Италиялик қутқарувчилар мамлакат марказида қор кўчкиси остида қолган меҳмонхонада яна 2 кишини тирик ҳолда топишди. 

Шу тариқа, Италия фуқаро мудофааси департаменти хабарига кўра, айни дамда умумий ҳисобда саккиз киши, жумладан икки бола тирик ҳолда топилган.

Rai News 24 каналининг хабар беришича, қутқарувчилар кишиларни хавфсиз жойга кўчиришни бошлашган. Унинг маълумотларига кўра, қор кўчкиси тушгандан сўнг кишилар беркинган шипнинг оралиғидан аёл киши чиқариб олинди. Уни вертолёт ёрдамида касалхонага олиб боришади.

Қутқарув-қидирув ишлари туни билан давом этган. Айни дамда фавқулодда ҳолат натижасида ҳалок бўлганларнинг расмий рўйхатида икки киши бор, уларнинг жасади пайшанба куни чиқариб олинган. Яна иккита жабрланган инсон қутқариб қолинди. Эркаклар кўчада бўлган ва автомобиль ичига яширинишган. 

Маълумот учун, фавқулодда вазият чоршанба куни кечқурун юз берди. 18 январда Италия марказий ҳудудларида юз берган кучли зилзила қор кўчкисига сабаб бўлган. Бунинг оқибатида Rigopiano di Farindola меҳмонхонаси қор уюмлари остида қолди.