Англиянинг даражаси бўйича учинчи дивизиони вакили «Саутэнд» клуби ҳимоячиси Финли Бёрнс «Манчестер Сити» академиясига келиб қўшилишга яқин турибди.

Daily Mail нашри берган хабарга кўра, клуб 13 ёшли ўспиринни Манчестерга қўйиб юбориши орқали 175 минг фунт стерлингни қўлга киритади. Бу шу ёшгача бўлган футболчилар учун тўланган рекорд сумма бўлади.

«Саутэнд» (U-16) жамоаси шарафини ҳимоя қиладиган футболчи кейинчалик профессионал футболда муваффақият қозонган тақдирда бонуслар билан ҳозирги клуби учун жами бўлиб 250 минг фунтга бойитиши мумкин.

Маълумот учун, Бёрнсга Англиянинг «Ливерпуль», «Челси» ва «Арсенал» клублари ҳам даъвогарлик қилишганди.