«Монако» клуби ҳужумкор яримҳимоячиси Бернарду Силва «Манчестер Юнайтед»нинг асосий трансфер режаси сифатида қаралмоқда.

Манчестер клуби скаутлари 22 ёшли португалиялик футболчининг ўйинини кузатиш учун Франция чемпионатининг «Марсель»га қарши учрашувига (4:1) ташриф буюрган. Учрашувда Сильв икки марта рақиблар дарвозасини ишғол қилган.

The Guardian нашри берган хабарга кўра, Жорже Мендешнинг мижози саналган футболчи учун «МЮ» 70 миллион фунт стерлинг (81 млн. евродан кўпроқ) тўлашга тайёр бўлиб турибди. Футболчига Европанинг бошқа клублари «Челси», «Барселона» «Реал» ва «Ювентус» ҳам қизиқиш билдирган. Бироқ бу клублар футболчининг трансфери бўйича манчестерликлар кўрсатган таклифни бермаслиги айтилмоқда.

Шу кунга қадар Бернарду «Монако» сафида Франция чемпионатида жами 83 учрашувда майдонга тушиб 20та гол 12 голли узатма муаллифи бўлган.