Машариповнинг турмуш ўртоғи террорчини қўлга олишда муҳим роль ўйнади

Жаҳон 20 Январь 2017 66422

1 январь куни Истанбулдаги Reina тунги клубига ҳужум қилиб, 39 кишининг ҳаётига зомин бўлган Абдулқодир Машариповнинг турмуш ўртоғи унинг қўлга олинишида муҳим роль ўйнади. Бу ҳақида Туркиянинг Daily Sabah нашри хабар берди. 

Исми шарифининг фақат биринчи ҳарфлари маълум қилинган (Ф.А.) Машариповнинг турмуш ўртоғи Истанбулнинг Başakşehir туманидаги квартирада эри ва икки фарзанди билан яшаган. 6 январь куни, яъни ҳужумдан бир неча кун ўтгач, ИШИД террорчи гуруҳи Машариповга бошқа ерга кўчиб ўтишни буюрган. Террорчи аёлининг эътирозларига қарамай, 4 ёшли ўғлини ўзи билан олиб кетган. 

Манбага кўра, эри ва ўғли кетганидан сўнг Ф.А. террорчи гуруҳнинг бошқа аъзоларидан Машариповнинг бошқа - 27 ёшли сенегаллик аёлга (Дина А.) уйланганидан хабар топган. Турк хавфсизлик хизмати ходимлари Истанбулдаги Pendik ҳудудидаги квартирада террорчини қўлга олган вақтда сенегаллик аёл у билан бирга бўлган. 

Сўроқ пайтида Ф.А. турк полициясига қимматли маълумотларни етказган. Губернатор Васип Шахиннинг сўзларига кўра, Ф.А.дан олинган маълумотлар террорчини қўлга олишда самарали қўлланган. 

Ҳозирда Машарипов Истанбулдаги Vatan авеньюсида қаттиқ қўриқланаётган полиция участкасидаги бир кишилик камерага жойлаштирилган. Хавфсизлик экспертларининг сўзларига кўра, Машариповнинг тирик ҳолда қўлга олиниши полиция учун катта муваффақиятдир. 

Кун янгиликлари
Абитуриент ҳикояси: “Мен ўқув маркази томонидан алдандим”
10:34 22609 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 40441 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 153836 Жамият
Кун.uz офис изламоқда
15:48 / 06.08.2017 43889 Lifestyle
Тадбиркорлар Ҳикмат Абдураҳманов ва Азиза Умарова билан суҳбат: Хитой, омадсиз авиакасса ва вазирликдаги ишдан кетиш
20:24 798 Lifestyle
Интернетда хитойлик ва ҳиндистонлик аскарлар ўртасидаги оммавий муштлашув видеоси пайдо бўлди
20:15 2242 Жаҳон
Каталония ҳукумати мусулмонларни ҳақорат қилмасликка чақирди
19:52 1197 Жаҳон
Сурхондарё ҳокими: Одамларни мажбурлаб пахтага олиб чиқиш — ноинсофлик!
Жанубий Кореяга АҚШ армияси бош қўмондони келди
19:43 973 Жаҳон
Эркинжон Турдимов: “Сурхондарёда етиштирилаётган пахта 100 фоиз шу ерда қайта ишланади”
Кўпроқ янгиликлар