Самарқандда ўзбек қизларини фоҳишаликка сотмоқчи бўлган Россия фуқароси қўлга олинди

Ўзбекистон 20 Январь 2017 36715

Бугунги кунда одам савдоси жаҳон ҳамжамиятини ташвишга солаётган глобал муаммолардан биридир. Турли алдовларга учиб, бу жиноятнинг қурбонига айланаётганлар орасида юртдошларимиз ҳам топилади. Ҳуқуқ-тартибот органлари ходимлари томонидан бу жиноятга қарши кураш доирасида қатор чора-тадбирлар амалга оширилмоқда. Одам савдоси билан шуғулланган жиноий гуруҳлар фош этилмоқда.

Самарқанд халқаро аэропортида ана шундай жиноятлардан бирининг олди олинди, деб ёзмоқда “Зарафшон” нашри.
 
Аниқланишича, Россия Федерацияси фуқароси Р.Савченко Самарқандга қариндошиникига келади. Ташриф давомида унда Ўзбекистондан ноқонуний йўллар билан қизларни олиб чиқиш ва келгусида улардан фоҳиша сифатида фойдаланиш каби жирканч ғоя туғилди. З.Баҳодирова мўмай пул эвазига қизларни ёллашда унга ёрдам беришга рози бўлади. 

У Россиянинг Рязан вилоятида юқори ҳақ тўланувчи официантлик, сотувчи-консультантлик ва обрўли савдо тузилмаларига ишга қўйиш имкони борлигини айтиб, ёлғон ваъдалари билан қизларни ўзига оғдира бошлайди. Бу таклифга уч нафар ёш қиз хайрихоҳлик кўрсатади. Қизларга келгусида ишлаб узиш шарти билан транспорт харажатларини ўз зиммасига олади. Уларнинг паспорт маълумотлари авиачипта олиш учун Россия Федерациясига жўнатилади.

Ўзбекистон ҳуқуқ-тартибот органлари ходимларининг тезкор тадбири туфайли бу жиноят фош этилди. Самарқанд халқаро аэропортида қизларни Россияга жўнатаётган  Р.Савченко қўлга олинди. Мазкур жиноятда шерик бўлган З.Баҳодирова ҳам ушланди. 

Жиноят ишлари бўйича Самарқанд шаҳар суди томонидан ушбу кимсаларга нисбатан ҳукм ўқилди ва тегишли жазо тайинланди.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 90155 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 44906 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 50538 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8875 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19719 Ўзбекистон
Шимолий Корея АҚШга беражак зарбаларини бир қатор сиёсий плакатларда тасвирлади
23:20 0 Жаҳон
Конте «Челси»га нима етишмаётгани ҳақида гапирди
22:59 510 Спорт
Шаҳзода Уильямнинг никоҳ тўйидаги тортнинг бир бўлаги сотувга қўйилди
22:52 840 Жамият
Видео: Дэвид Бекҳэм Pro Evolution Soccer 2018’да
22:47 599 Спорт
АҚШ ва Жанубий Корея август охирида ҳарбий машғулотлар ўктазади
22:35 451 Жаҳон
Кўпроқ янгиликлар