Ўзбекистон делегацияси ШҲТга аъзо давлатларнинг маслаҳатлашувларида иштирок этди

Ўзбекистон 20 Январь 2017 4625

2017 йилнинг 20 январь куни Москва шаҳрида Ўзбекистон Республикаси делегацияси Шанхай ҳамкорлик ташкилотига аъзо давлатларнинг маслаҳатлашувларида иштирок этди. Бу ҳақда Ўзбекистон Республикаси Ташқи ишлар вазирлиги матбуот хизмати хабар берди

Мажлисда ШҲТ Бош котиби Рашид Алимов ва ШҲТ Минтақавий аксилтеррор тузилмаси Ижроия қўмитаси директори Евгений Сисоев ҳам иштирок этди. 

Учрашув олдидан Россия Федерацияси Ташқи ишлар вазири Сергей Лавров делегациялар раҳбарлари билан суҳбатлашди. 

Қирғизистон, Қозоғистон, Россия, Тожикистон, Хитой ва Ўзбекистон ташқи сиёсат идоралари раҳбарлари ўринбосарлари ташкилотни кенгайтириш нуқтаи назаридан ШҲТ доирасидаги ҳамкорликнинг амалий масалаларини кўриб чиқдилар.

ШҲТ доирасида сиёсат, хавфсизлик, иқтисодиёт ва гуманитар алоқалар соҳаларидаги ҳамкорликни ривожлантириш бўйича устувор вазифалар ва амалий чора-тадбирлар батафсил муҳокама қилинди. ШҲТ ҳудудида тинчлик ва барқарорликни сақлаш, фаровонлик ва тараққиётни таъминлаш мақсадида биргаликдаги саъй-ҳаракатларни кучайтиришга аъзо давлатлар тайёр эканлиги якдиллик билан тасдиқланди. 

Маслаҳатлашувлар чоғида ташкилотни кенгайтириш жараёнининг муваффақиятли бориши, авваламбор, Ҳиндистон ва Покистоннинг тўлақонли аъзоликка қабул қилиниши кўп қиррали тенг ҳуқуқли ҳамкорлик салоҳиятининг янада ортишига, ШҲТнинг халқаро нуфузи ва ролининг ошишига имкон яратиши қайд этилди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 28842 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 64948 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 8154 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 125455 Жамият
Бекободнинг 2035 йилгача мўлжалланган  бош режаси: Шаҳар қандай кўринишда бўлади?
Зафар Рўзиев: Энди Қашқадарёда етиштириладиган пахтанинг ярмидан кўпи ўзимизда қайта ишланади
Алвидо Dodge Viper! Суперкарнинг энг ноёб намуналари
Афғонистонда толибларнинг етакчиларидан бири ўлдирилди
17:50 730 Жаҳон
Украинада Франциянинг 200 млн еврони ўзлаштирган фуқароси қўлга олинди
17:40 1087 Жаҳон
Ўзбекистон Республикаси Олий суди турли миш-миш хабарларга раддия берди
Кўпроқ янгиликлар