АҚШ ҳукумати Жанубий Кореядан БМТнинг собиқ бош котиби Пан Ги Муннинг укасини коррупция иши бўйича ҳибсга олишни талаб қилмоқда. Бу ҳақда Нью-Йоркнинг Манхеттен суди прокурори ёрдамчиси баёнотига иқтибос келтирган ҳолда Reuters ахборот агентлиги хабар бермоқда.  

Прокуратура вакилининг маълум қилишича, АҚШ Жанубий Кореяга Keangnam Enterprises Co Ltd. қурилиш компаниясининг собиқ маслаҳатчиларидан бири, Пан Ги Муннинг укаси Пан Ги Санни ҳибсга олиш талаби билан мурожаат қилган. АҚШ унинг экстрадициясини ҳам талаб қилмоқчи.

Суд ҳужжатларига кўра, БМТ собиқ бош котиби жияни Пан Чу Хён ва унинг укаси Пан Ги Сан расмий шахсларни сотиб олиш мақсадида тил бириктиришда айбланмоқдалар. 

Ахборот агентлиги маълумотларига кўра, коррупция иши Вьетнамда 800 млн долларлик бинолар мажмуасини сотиш билан боғланган. Маълум қилинишича, Пан Ги Муннинг жияни Нью-Йоркда кўчмас мулк сотувчи агент бўлиб ишлайди.

БМТ бу ҳолат бўйича изоҳ беришдан бош тортган.