Ижтимоий тармоқлар фойдаланувчилари Ҳиллари Клинтоннинг Дональд Трамп инаугурацияси пайтида ўз турмуш ўртоғига ғазаб билан қараганини кенг муҳокама қилишмоқда.

Кўпчиликнинг тахминича, Билл Клинтон лабини тишлаган ҳолда бу вақтда Трампнинг қизи Иванкага қараётган бўлган.

"Сизга Билл Клинтоннинг Иванка Трампга қараши каби назар ташлайдиган кимнидир топинг", - деб ёзади NinJosh.

"Ҳилларининг жаҳли чиқиб кетди, Биллнинг эса парвойи палак!", - таъкидлаб ўтди tonya dye тахаллуси остидаги интернет фойдаланувчиси.

"Биллни Иванка Трампга қараётган пайтида ушлаб олишди. Билл, сен ҳеч қачон ўзгармайсан", - дея изоҳ қолдирди Жей Уорнер.

"Ҳилларининг юзини кўриш – бу барча комедия сериалларини томоша қилишдан ҳам яхшироқ", - деган Mr Ives.

Бироқ, бир қатор фойдаланувчиларнинг таъкидлашича, АҚШнинг собиқ президенти аслида нимага қарагани номаълум.

"У қаерга ёки нимага бундай қараганини биз қаердан биламиз? Кўраётган ягона нарсамиз – бу у қаергадир жуда ҳам катта эътибор билан қараганининг исботи, холос", - дея ёзди News View.

"У аниқ Ҳилларига қарамаган", - деб унга жавоб қайтарган Marcell номли фойдаланувчи.

"Билли Боб ҳали-ҳамон гўзалликнинг қадрига етади. Ҳилларининг жаҳли чиққани аниқ", - дея ёзди YentDolly.

The Sun нашрининг тахминича, Клинтон аслида АҚШнинг янги президенти рафиқаси Меланьяга қараётган бўлган.

Маълумот учун, Билл Клинтон давлат раҳбари бўлган пайтда ишқий муносабатлар билан боғлиқ катта можарога аралашиб қолганди. У Оқ уйдаги амалиётчи қиз Моника Левински билан алоқада бўлган. Бу жанжал президент импичментига олиб ҳам келиши мумкин эди.