Қорақалпоғистоннинг Мўйноқ туманида 101 километрлик ичимлик суви тармоғи барпо этилади

Ўзбекистон 21 Январь 2017 5419

2017 йил 19 январда Нукус шаҳрида 2016 йил якунлари ва 2017 йилда Қорақалпоғистон Республикасини ижтимоий-иқтисодий ривожлантиришнинг асосий йўналишларига бағишланган фаоллар йиғилиши бўлиб ўтди. Бу ҳақда ЎзА хабар қилган.

Қорақалпоғистон Республикаси Жўқорғи Кенгеси Раиси М.Ерниязов бошқарган йиғилишда Президентимиз Шавкат Мирзиёевнинг мамлакатимизни 2016 йилда ижтимоий-иқтисодий ривожлантириш якунлари ва 2017 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг кенгайтирилган мажлисидаги маърузасида белгилаб берилган вазифалар ижросини таъминлашга алоҳида эътибор қаратилди.

2016 йилда Қорақалпоғистон Республикасини ижтимоий-иқтисодий ривожлантириш, жумладан, кичик бизнес ва хусусий тадбиркорликни қўллаб-қувватлаш, янги лойиҳаларни ишга тушириш, корхоналарни модернизация қилиш, техник ва технологик янгилаш юзасидан олиб борилган ишлар самарасида иқтисодиётнинг барча соҳаларида изчил ўсиш таъминланди. Хусусан, энергетика, қурилиш, кимё, енгил саноат ва қишлоқ хўжалиги соҳаларида таркибий ўзгаришларга эришилди.

Президентимиз Шавкат Мирзиёевнинг сайловолди учрашувида билдирган фикрлари асосида аҳолининг турмуш даражасини янада юксалтиришга қаратилган Оролбўйи минтақасини ривожлантириш бўйича махсус дастур ишлаб чиқилмоқда. Аҳолининг саломатлигини мустаҳкамлаш ва навқирон авлод тарбиясини янада яхшилаш мақсадида 168 мингга яқин болага бепул дармондорилар тарқатилиб, ҳомиладор аёллар ва боқувчисини йўқотган, эҳтиёжманд фуқаролар учун патронаж хизмати кўрсатилаётгани ўз самарасини бераётир. Замонавий, арзон ва ихчам турар жойлар қуриш, электр энергияси ва табиий газ таъминотини яхшилаш масаласи доимий эътиборда.

2017 йилда Мўйноқ туманида 101 километрлик ичимлик суви тармоғи тортилиши кўзда тутилмоқда. 1 триллион сўмдан зиёд маблағ эвазига амалга оширилиши режалаштирилган лойиҳалар асосида 15 минг янги иш ўрни яратилади.

Тадбиркорлик субъектларини қўллаб-қувватлаш ва уларнинг ҳуқуқий манфаатларини ҳимоя қилиш борасида олиб борилаётган ишлар самарасида кичик бизнес ва хусусий тадбиркорлик субъектларининг ялпи ҳудудий маҳсулотдаги улуши 2016 йилда 57 фоизни ташкил этди. Аҳоли бандлигини таъминлаш дастурига мувофиқ, 50 мингга яқин иш ўрни яратилди. Жорий йилда 40 мингга яқин янги иш ўрни ташкил этиш режалаштирилган.

Йиғилишда айрим соҳаларда йўл қўйилган камчиликларни бартараф этиш юзасидан тегишли чора-тадбирлар белгилаб олинди.

Қорақалпоғистон Республикаси фаоллар йиғилишида Ўзбекистон Республикаси Бош вазирининг биринчи ўринбосари О.Раматов сўзга чиқди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18534 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71418 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59077 Жамият
ЕЧЛ-2017/18 қуръасида саватчалар таркиби қандай бўлади?
15:04 52 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 2327 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 361 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар