Rustam Azimov Qoraqalpog‘istondagi har bir xonadonda 100tadan tovuq boqilishini nazorat qiladi

O‘zbekiston Respublikasi Prezidenti Shavkat Mirziyoyev joylarda ijtimoiy-iqtisodiy islohotlarning borishi, xalqimizning hayot darajasi va sifatini yanada oshirishga qaratilgan bunyodkorlik va obodonlashtirish ishlari bilan yaqindan tanishish, xalq bilan uchrashish va muloqot qilish maqsadida 20 yanvar kuni Qoraqalpog‘iston Respublikasiga tashrif buyurdi. 

Davlat rahbari tashrif davomida Nukus shahrida Qoraqalpog‘iston Respublikasi faollari bilan uchrashuv o‘tkazdi.

Yig‘ilishda aholining iqtisodiy salohiyatini oshirish usullari borasida ham so‘z yuritildi.

Xususan, O‘zbekiston Respublikasi bosh vazir o‘rinbosari Rustam Azimov mintaqadagi har bir xonadonda 100tadan tovuq boqilsa, bunda xalqning turmush farovonligi yanada oshishini ma'lum qilgan. Bu haqda Kun.uz’ning yig‘ilishda ishtirok etgan manbasi xabar berdi.   

O‘zbekiston rahbari Shavkat Mirziyoyev bu ishni amalga oshirish bo‘yicha vazifani bosh vazir o‘rinbosari R. Azimov zimmasiga yukladi.