АҚШ Давлат департаменти Сурия бўйича Остонадаги музокараларга АҚШ  делегацияси юборилмаслигини маълум қилди. Ушбу музокараларда АҚШ томонини унинг Қозоғистондаги элчиси Жорж Крол билдиради. Бу хақда Давлат департаментининг вакили Марк Тонер маълум қилди.

"Президент инаугурацияси ва хокимиятнинг зудлик билан топширилиши муносабати билан Остонадаги анжуманда АҚШ делегацияси иштирок этмайди", деб айтди Тонер.

Аввалроқ Остонадаги музокараларда АҚШнинг Остонадаги элчиси иштирок этиши маълум қилинганди.

Бу орада Остонага Россия, Туркия ва Эрон вакиллари етиб келишди. БМТнинг Сурия бўйича махсус элчиси  Стеффан де Мистура 22 январга ўтар кечаси келиши кутилмоқда. Сурия ҳукумати вакиллари Остонага 22 январда етиб келишади. Музокаралар бошланиши 23 январга белгиланган.