Сурия қуролли можаро оқибатида мамлакатга 178 миллиард доллар зарар етказилганини маълум қилди

Жаҳон 21 Январь 2017 3201

Сурияда қуролли можаро оқибатида давлат ва хусусий мулк объектларига етказилган молиявий зарар миқдори 178 миллиард АҚШ долларидан ошиб кетди. Бу ҳақда мамлакатнинг БМТдаги доимий вакили ўринбосари Мунзер Мунзер ташкилот Хавфсизлик Кенгаши котибиятига йўллаган мактубида айтиб ўтган.

БМТ сайтида тақдим этилган ҳужжатда “Сурия Араб Республикасидаги давлат ва хусусий мулк объектлари, жумладан коммунал хўжалик объектларига доимий равишда мол-мулкни қуролланган террорчилик гуруҳлари томонидан йўқ қилиниши оқибатида етказилган зарар” ҳақидаги маълумотлар акс этган жадваллар келтирилади.

Сурия ҳукуматининг тахминларига кўра, бу давр мобайнида вазирлик ва уларнинг идораларига бевосита етказилган зарар миқдори 27 миллиард доллар, билвосита зарар эса 151 миллиард долларни ташкил этди. Энг кўп талафот нефть ва минерал ресурслар вазирлиги таркибида бўлган бино ва инфратузилмаларга етказилди – 18,7 миллиард доллар. Саноат вазирлиги эса 930 миллион доллардан ортиқ чиқим ҳақида хабар берган.

Мактубга кўра, ҳарбий ҳаракатлар тахминан 8,3 минг давлат хизматчисининг ўлимига олиб келган, яна 12,5 минг инсон жароҳат олган. Умумий ҳисобда 25,5 минг бино ва 1194та маданий мерос объекти қисман ёки бутунлай йўқ қилинди. Шунингдек, 31 мингдан ортиқ транспорт воситаси ўғирланди ёки уларга зарар етди.

Сурия доимий вакили ўринбосарининг маълум қилишича, ҳукуматга можаро вақтида хусусий мол-мулкка етказилган зарар бўйича товон пули тўланиши талаб қилинган 199 минг ариза келиб тушди. Унинг сўзларига кўра, 87 минг мурожаат кўриб чиқилиб, улардан 51 мингтаси қаноатлантирилди. Товон пулларининг умумий миқдори 73 миллион долларни ташкил қилди. Энг кўп маблағ – Хама вилоятида тўлаб берилган – 31 миллион доллар.

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 53182 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 4772 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 108717 Жамият
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 10468 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20864 Ўзбекистон
АҚШ: Венесуэлада ҳокимият куч билан қўлга олинди
10:30 4 Жаҳон
Бундеслига. «Бавария» мавсумни ғалаба билан бошлади
10:20 51 Спорт
Ҳиндистон, Непал ва Бангладешдаги кучли тошқинлар 500 кишининг умрини олиб кетди 
10:10 491 Жаҳон
ФИФА мусобақасида илк марта аёл ҳакамлар ишлайди
10:00 521 Спорт
Съёмка вақтида ҳаёт билан видолашишига сал қолган 6 актёр
09:59 3007 Lifestyle
Кўпроқ янгиликлар