Трамп Obamacare ислоҳотини қисман тўхтатиб қўйди

Жаҳон 21 Январь 2017 7778
фото: Reuters

АҚШ президенти Дональд Трамп соғлиқни сақлаш соҳасидаги фармонга имзо чекди. У муассасаларга олти йил аввал киритилган ислоҳотни бекор қилиш жараёнида “тартибга солишни камайтириш” вазифасини юклайди, деб хабар берди Рейтер агентлиги.

Шунингдек, Оқ уй яқин вақт ичида вазирликларга иқтисодиётни тартибга солиш бўйича янги қоидаларни киритишни музлатиб қўйиш мақсадида меморандум жўнатади. Бу Трампнинг сайловолди ваъдаларида айтилганди.

Трамп ва унинг Республикачилар партияси аввалги президент Барак Обама томонидан амалга оширилган ислоҳотни тезкорлик билан бекор қилишни режалаштирмоқда. Бу масала ҳар икки партия учун ҳаддан ташқари сиёсий тусга эга бўлди.

2010 йилги соғлиқни сақлаш ислоҳоти “Обаманинг даволаши” (Obamacare) норасмий номини олган бўлиб, кам таъминланганларга тиббий суғурта бўйича субсидияларни кўзда тутади. Шу билан бир вақтда, барча америкаликларга бундай суғуртани сотиб олиш мажбурияти юклатилди. АҚШ соғлиқни сақлаш тизими дунёдаги энг қиммат тизим саналади. Obamacare эса жамиятда турли можароларни келтириб чиқарди. Сўровларга кўра, америкаликларнинг деярли ярми ислоҳотни бекор қилиш тарафдори бўлиб чиқди. Бироқ, шунга қарамай, тахминан 20 миллион киши бу ислоҳот туфайли биринчи марта суғуртага эга бўлди.

Қонун 2010 йилда фақатгина демократлар овози билан қабул қилинган бўлиб, улар ўша пайт конгрессни назорат қилишган. Шундан сўнг вакиллар палатасида, кейинчалик сенатда ҳам кўпчилик ўринга эга бўлган республикачилар қонунни бекор қилиш учун ўнлаб маротаба овоз беришди, бироқ президент ветосини четлаб ўта олишмади. Олий суд ислоҳотнинг бир қатор жиҳатларини қўллаб-қувватлади. Республикачилар айни пайтда демократлар йўлидан кетмоқда ва мухолифат билан келишмай туриб ўзгартиришларни киритишни режалаштирмоқда.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 22648 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 24744 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12756 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 54036 Жамият
Тиббиётдаги энг хавфли 10 жараён
19:31 845 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 1121 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 981 Жамият
Қирғизистонга қарши ўйинга мухлислар киритилмаслигига расман изоҳ берилди
19:14 2525 Спорт
Кўпроқ янгиликлар