Туркия парламенти депутатлари мамлакат конституциясига тузатишлар киритиш бўйича қонун лойиҳасини маъқуллашди. Ҳужжат лойиҳаси мамлакатда президентлик бошқарувини жорий қилишни назарда тутади, деб хабар қилмоқда ТАСС.

Овоз бериш жараёни 21 январь куни бўлиб ўтди. Лойиҳани маъқуллаб 488 депутатдан 339 нафари овоз берган. 

15 январь куни Конституцияга киритиладиган тузатишлар биринчи ўқишда қабул қилинган эди. 

Янги қонун лойиҳаси президент ваколатларини кескин кучайтиришни кўзда тутади. Хусусан, у вазирлар маҳкамасини бошқариши ёки шахсан бош вазирни тайинлаши мумкин.