Бутун дунё бўйлаб Трампга қарши оммавий норозилик акциялари бўлиб ўтди

Жаҳон 22 Январь 2017 9929

21 январда бутун дунё бўйлаб АҚШнинг янги президенти Дональд Трампга қарши "Аёллар марши" деб номланган норозилик намойишлари бўлиб ўтди. Акция номи аёллар иштирокини назарда тутсада, унда минглаб эркаклар ҳам иштирок этди.     

Австралияда 3000 га яқин киши Трампга қарши аёллар маршига чиқди. АҚШ президенти сайловолди кампанияси вақтида бир неча маротаба жинс бўйича таҳқирлашда айбланиб келган. Мисол учун, Трампга у "Дунё гўзали – 2002"ни семиз деб атаб, унинг устидан ТВ-шоу вақтида мазах қилгани эслатиб қўйилди. Шунингдек, вице-президент Майкл Пенс абортларга қарши чиқиши ва бесоқолбозларни электрошок билан даволашни қўллаб-қувватлаши билан маълум. Янги Зеландияда шундай маршга 2 минг киши чиқди. 

Лондондаги маршда бир неча ўн минг одам иштирок этди. Намойиш иштирокчилари ирқий тенглик, арзон соғлиқни сақлаш тизими ва аборт қилиш ҳуқуқини қўллаб-қувватладилар. Норозиларни қўллаб-қувватлаш учун Лондон мэри Содиқ Хон ҳам иштирок этди.

Италиядаги марш Римдаги Ротонда майдонида тўпланди. Бу ерда "Трамп – менинг президентим эмас", "Деворлар эмас, кўприклар", "Инсон ирқлари мавжуд эмас" шиорлари остида юзлаб италиялик кўчаларга чиқишди. Флоренцияда ҳам норозилик намойиши бўлиб ўтган.
 
Стокҳольмда Трампга қарши бир неча минг киши норозилик билдирган. Улар шаҳар марказида тўпланиб, "Расо эркаклар тенгҳуқуқликдан қўрқмайдилар", "Бизнинг ҳуқуқлардан қўлни тортинг", деган ёзувли транспарантлар билан АҚШ элчихонасига қараб юришган.

Францияда парижликлар Эйфел минораси остигача юриб боришган. Намойишчиларнинг қўлида АҚШ байроқлари ва турли норозилик плакатларидан ташқари, анархистларнинг қора байроғи ҳам бўлган. 

Дублинда Трампга қарши норозиликлар шаҳар марказини фалажлаб қўйган.
 
Ригадаги маршда 200 аёл иштирок этган. 

"Аёллар марши" ҳаттоки Африкагача ҳам етиб борди. Эътиборлиси, сайёрамизнинг энг чекка жойларидан бири – Антарктидада ҳам Трампга қаршилар топилди. У ерда "Пингвинлар тинчлик учун" деган шиорлар билдирилди.   

АҚШнинг ўзида ҳам аёллар ҳуқуқлари учун акциялар бир нечта шаҳарларда бўлиб ўтди. Улардан энг йириги Вашингтонда ўтди ва унга 200 минг киши чиқди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 32636 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 13099 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 87457 Ўзбекистон
Янги купюра нарх-навога ўз таъсирини ўтказадими?
Дайжест: Навбатдаги видеоселектор, Қозоғистон билан ҳарбий ҳамкорлик, ЙПХ ходимларига Honda ва куннинг бошқа муҳим хабарлари
22:15 9 Жаҳон
Суарес жароҳат туфайли 4 ҳафтага сафдан чиқди
22:10 192 Спорт
Президент видеоселекторда ички ишлар органлари вакиллари билан соҳа ислоҳотларини муҳокама қилди
Россия вакили биринчи марта телевидение орқали сурияликларга мурожаат қилди
21:55 1042 Жаҳон
Барселонадаги теракт қурбонлари ҳақида илк маълумотлар
21:50 2142 Жаҳон
Солиқ тўламасдан қарздор бўлиб юрган санъаткорлар рўйхати эълон қилинди
Кўпроқ янгиликлар