Швейцариялик Рожер Федерер Австралияда ўтаётган теннис бўйича очиқ чемпионатнинг тўртинчи доирасида япониялик теннисчи Кея Нисикорини 6:7 (4:7), 6:4, 6:1, 4:6, 6:3 ҳисобида мағлубиятга учратди. Шунга кўра, Рожер 35 йилу 167 кунлик ёш билан Australian Open мусобақасида чорак финалга чиққан энг ёши катта теннисчи бўлди. Бундан роппа-роса 39 йил муқаддам, яъни 1978 йил Артур Эш ана шундай “мақом”да эди.

Эслатиб ўтамиз, ўзбекистонлик теннисчи Денис Истомин ушбу мусобақани муваффақиятли ўтказишда давом этмоқда. У турнирнинг 3-раундида мусобақанинг 30-тартиб рақами остида сараланган испаниялик Пабло Каррено-Бустога қарши кортга чиқиб, беш сетда: 6/4, 4/6, 6/4, 4/6, 6/2 мағлубиятга учратгани хабар берилган эди.