Ўзбекистон Республикаси Президенти Шавкат Мирзиёев 20 январь куни Қорақалпоғистонга ташриф буюриб, у ердаги вазият билан яқиндан танишди ва халқ вакиллари билан мулоқотда бўлди. Шунингдек раҳбар мутасаддилар билан учрашув ўтказди. Уларда бир қатор муҳим масалалар кўтарилди. Бандликни таъминлаш шулар жумласидандир. 

"Янги иш ўринларини яратиш ва аҳоли бандлигини таъминлаш, инвестициялар жалб қилишни ошириш, саноат ва қишлоқ қурилиш соҳасидаги жами 10 триллион сўмни ташкил этган ишлаб чиқариш корхоналарини яратиш орқали 50 минг кишини иш билан таъминлаш кўзда тутилган". 

Дастур ижроси - 2017-2021 йиллар мобайнида иқтисодий ўсиш 1,5-1,8 баробарга оширилади. 

Ҳудудда инвестиция жалб этиш мақсадида Мўйноқ, Шуманай, Қонликўл, Тахтакўпир, Қораузак, Чимбой туманларида янги яратиладиган кичик бизнес корхоналарига жуда катта солиқ имтиёзлари берилади. 

Шунингдек Қорақалпоғистонда транспорт, муҳандислик, коммуникация инфратузилмасини ривожлантириш ҳамда аҳолининг турмуш даражаси ва сифатини яхшилашга қаратилган жуда кенг қамровли тадбирларни амалга ошириш ҳам кўзда тутилган. 

Дастурнинг амалга оширилиши Оролбўйи ҳудудида турмуш даражаси, экологик ҳолатни яхшилаш ва унинг ижтимоий-иқтисодий ривожланиши учун жуда кенг имкониятлар яратади. 

Бундан ташқари Қорақалпоғистон Республикаси ҳудудларини ижтимоий-иқтисодий ривожлантириш, аҳоли турмуш даражасини янада яхшилашга қаратилган қўшимча чора-тадбирлар дастури тўғрисида вазирлар маҳкамаси қарори қабул қилинди. Ушбу дастурга мувофиқ, 2017-2021 йилларда 124 миллион доллар ҳамда 321,7 миллиард сўм сарфланиши кўзда тутилган. Иккала қарорнинг ижросини самарали ва белгиланган муддатларда таъминлаш учун бош вазир А.Арипов ва бош вазир биринчи ўринбосари Раматов бошчилигида алоҳида республика ишчи гуруҳлари ташкил этилди", - деди Президент.