Мирзиёев: Энг катта вабо – электр энергиясига пул тўламаслик ва иқтисод қилмаслик

Ўзбекистон 22 Январь 2017 64813

Ўзбекистон Республикаси Президенти Шавкат Мирзиёев жойлардаги ижтимоий-иқтисодий аҳвол билан яқиндан танишиш мақсадида Қорақалпоғистон Республикасига ташриф буюрди. 

Давлат раҳбари республикага ташрифи доирасида халқ вакиллари ва фаоллари билан учрашди. Ошкора ва танқидий руҳда бўлиб ўтган йиғилишда, давлат раҳбари қатор таклифларини билдирди. Хусусан, мамлакат электр энергияси тармоғига зарур бўлган турли ускуна ва жиҳозларни хориждан импорт қилиш ўрнига, республикада қўшма корхона ташкил этган ҳолда ишлаб чиқариш йўлга қўйилмаётганига эътибор қаратган. 

“Шунча йил биз импорт олиб келяпмиз Минэнергода, уни қўшма корхона қилиб Ўзбекистонда ишлаб чиқарса бўлмайдими, бўлади...хоҳламаймиз, нимага?, ўғирлик!”, - деган Давлатимиз раҳбари. 

Мирзиёев, шунингдек, Ўзбекистонда электр энергияси таъминотидаги энг жиддий муаммолардан бирига ҳам тўхталиб, фойдаланилган энергия учун ҳақ тўлаш лозимлигини халққа тушунтириш кераклигини таъкидлаган. 

“Халққа тушунтириш керак, ишлаб чиқарилаётган электр энергия бедарвоза эмас, бизнинг энг катта вабомиз, ишлаб чиқараётган электр энергияга пул тўламаймиз ва иқтисод қилмаймиз”, - дея қайд этган Президент.

Бош вазир ўринбосари Ғуломжон Ибрагимовнинг маълум қилишича, бу масала, яъни дебиторлик қарздорлиги билан боғлиқ оғриқли масалани ҳал этиш мақсадида, туманлар ҳам шаҳарлардаги каби 5та – ҳоким, ИИБ бошлиғи, прокурор, солиқ ва молия секторларига тақсимланган ҳамда уларга рўйхат тузиб берилган. 

Шу билан бирга, 2017 йил 1 августига қадар муддатда газ истеъмолидаги барча дебиторлик қарзи ҳамда электр энергияси бўйича бир чоракда пайдо бўлган 3,9 млрд сўмлик дебиторлик қарзи ундирилади. 

Шу ўринда, Давлат раҳбари яна бир таклиф билдирган ва ҳар бир масалани ҳал этишда аниқ-ҳисоб китоб зарурлигини қайд этгани ҳолда, қайси маҳаллада газ қувури ўрнига газ баллонлари берилишини, қайсисида буни иложи бўлмаса, кўмир ёки брикет тақдим этишни йўлга қўйиш кераклигини ва буни халққа очиқ айтиш лозимлигини уқдирган.  

 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 17207 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22368 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11360 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12229 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40582 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52947 Жамият
Кун.uz офис изламоқда
15:48 / 06.08.2017 47756 Lifestyle
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 577 Жаҳон
Қатар зиёратчиларнинг Саудияга парвозларини блокламоқда
15:35 1096 Жаҳон
Кўпроқ янгиликлар