АҚШнинг 44-президенти Барак Обама ваколатини топширган кунининг эртасига оддий фуқаро сифатида гольф майдончасига йўл олди. Бу ҳақда Daily Mail нашри хабар бермоқда

Обама 21 январь эрталаб Калифорния штатида, ўз рафиқаси билан тўхтаган жой яқинидаги спорт-клубга ташриф буюрди. Обама гольф ўйнаш учун Porcupine Creek Golf Club гольф-клубининг 18та чуқурчали майдонини танлади. Бу майдон штатдаги энг яхшиларидан бири ҳисобланади. Бу вақт давомида собиқ президентдан сал нарироқда уни хавфсизлик хизмати ходимлари кузатиб туришган.

Гольф-майдони эгаси Oracle корпорацияси бошлиғи, миллиардер Ларри Эллисон ҳисобланади. Бу клубнинг аъзоси бўлиш учун таклифнома керак.

Нашрнинг таъкидлашича, Обама бу ерда аввал ҳам гольф ўйнаган.