Ш.Мирзиёев: “Дуо қилган, дуо олган ҳеч қачон кам бўлмайди. Бундай жойдан ҳеч қачон барака аримайди”

Ўзбекистон 22 Январь 2017 54357

Маълумки, Ўзбекистон Республикаси Президенти Шавкат Мирзиёев жойларда ижтимоий-иқтисодий ислоҳотларнинг бориши, халқимизнинг ҳаёт даражаси ва сифатини янада оширишга қаратилган бунёдкорлик ва ободонлаштириш ишлари билан яқиндан танишиш, халқ билан учрашиш ва мулоқот қилиш мақсадида 20- 21 январь куни Қорақалпоғистон Республикасида бўлди.

Давлатимиз раҳбари Қорақалпоғистондаги Имом Эшон Муҳаммад жоме масжидига ташриф буюрди. Президент у ерда диний идора вакиллари, қорақалпоғистонлик фахрийлар ва нуроний отахонлар билан учрашди. Учрашувда маънавият, ёшлар тарбияси сингари долзарб масалалар ҳақида сўз борди.

“Авваламбор, ўтган сайловда муносиб қатнашганингиз учун рахмат. Сизларнинг гапларингиз, кўрсатмаларингиз билан қорақалпоқ ёшлари сайловда яхши иштирок этди. Менга шунчалик ишонч билдирганларингиз учун, мен сизларга таъзим қилиб, рахматлар айтаман. Иккинчидан, сизларнинг ишончингизни қандай қилиб қозониб, оғиримизни енгил қилиш ҳақида ўйлаш керак. Дуода гап кўп. Бу ерда ўтирган кўпни кўрган, кўп меҳнат қилган оқсоқоллар барча ерда дуода бўлинглар. Чунки дуо қилган, дуо олган ҳеч қачон кам бўлмайди. У ердан барака аримайди”, деди Ўзбекистон раҳбари Шавкат Мирзиёев.

Учрашув давомида меҳнат фахрийлари, нуроний отахонлар сўзга чиқиб, давлатимиз раҳбари томонидан олиб борилаётган ишларга ўз муносабатларини билдиришди. Ўзбек ва қорақалпоқ халқининг асрий алоқаларини, маданий уйғунлигини тилга олишди. Келажакда амалга ошириладиган режалар ҳақида сўз юритилди.

Учрашув сўнгида Ўзбекистон президенти Имом Эшон Муҳаммад жоме масжиди имом-хатибининг дуосини олди. Барча фотиҳага қўл очди.

Шунинг билан президент Шавкат Мирзиёевнинг Қорақалпоғистон Республикасига қилган ташрифи ўз ниҳоясига етди. Давлат раҳбари самолёти 21 январь, кечга яқин Тошкент аэропортига келиб қўнди.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 25241 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 12054 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 83452 Ўзбекистон
Барселона марказида микроавтобус йўловчилар устига бостириб кирди
20:53 7 Жаҳон
Душанбеда ўқувчиларни 10-синфга қабул қилишда "тозалаш" ишлари олиб борилмоқда
20:49 172 Жаҳон
Яна икки ўлим: Саудия Арабистони сўнгги тўрт ойда уч шаҳзодасидан айрилди
20:39 2175 Жаҳон
Тарихда биринчи марта Сатурн атмосферасига киришга муваффақ бўлинди
20:25 952 Жамият
ФИФА йил футболчиси бўлиш учун асосий даъвогарлар рўйхатини эълон қилди
20:19 3280 Спорт
Япониядаги барда маймунлар официантлар сифатида ишламоқда
20:06 1461 Жамият
Конте Белотти трансферини истамоқда, Абрамович бунга қарши
20:06 883 Спорт
Кўпроқ янгиликлар