Китоб чиқариб, бойиш гуноҳ эмас, аммо.....

Жамият 23 Январь 2017 10030

Таниқли блогер Адҳам Атажонов (Абу Муслим) китобхонликнинг бугунги даражаси ва мавжуд муаммолар ҳақида гапирар экан, олдиндаги тўсиқларни енгиш ҳамда одамларга маърифат улашиш борасида ўз фикр-мулоҳазаларини билдирди.

“Сўнгги кунларда одамлар китоб ўқимай қўйгани ҳақида кўп гапириладиган бўлди. Бу ҳаққоний эътироф, яъни бор гап. Бироқ шу муаммони келтириб чиқарадиган омиллар ҳақида кам гапирилади. Келинг, шу масалани таҳлил қилиб кўрайлик. Муаммонинг илдизи нимада?

Менга кўра, бунга кўп омиллар сабаб, бироқ кўпчилик кам гапирадиган бир-икки асосий жиҳатларини санаб ўтаман:

1. Китоблар жуда қиммат. (Китоб ва полиграфия бўйича хабари бор одам сифатида китоблар ҳақиқатан ҳам жуда қиммат эканини тасдиқлайман. Кўпинча ноширлар китобни атайин "катта" қилиб, қиммат сотишга ҳаракат қилишади (катта шрифтларда, нақш ва бошқа безаклар эвазига). Майли, бу ноширларнинг ўз иши. Китоб чиқариб, бойиш гуноҳ эмас, аммо оддий халқнинг ҳолатидан келиб чиққан ҳолда, халқни ҳам маърифатга ошно қилиш йўлларини ўйлаб қўйсалар ҳам ёмон бўлмасди. Фақат бойлар ёки пули кўплар китобхон бўлиши керак деган гап йўқ. 

2. Текин кутубхоналар ташкил қилиш керак. Олдинги турдаги кутубхоналарни модернизация қилиш, қулайлаштириш ва бошқа керакли чораларни кўриш керак. Интернетда онлайн кутубхоналарни ривожлантириш керак. Масалан. Ziyouz.com’га ўхшаш маърифий ресурсларни қўллаб-қувватлаш лозим. Тўғри, бу ерда муаллифлик ҳуқуқи муаммоси ҳам бор. Муаллифлар ёки ноширлар ўн марта нашр қилиб сотган ва фойдасини ўн марта олган китобларини ҳам текинга, халқ ўқиши учун беришга рози бўлавермайди. Яна ва яна сотиш илинжида бўлади... Шу муаммони ҳам чиройли ҳал қилиш керак. Яъни, бу масалада сих ҳам кабоб ҳам куймаслиги лозим.

Катта бир интернет кутубхона ташкил қилиб, барча китобларни шу ўртага ташлаш керак. Оффлайн ишлаши учун махсус дастурлар ҳам ишлаб чиқилса яхши бўлади. (Арабча "Шомила" дастурига ўхшаш).

Халқни китобхон қилиш учун китоблар, албатта, қоғозли бўлиши шарт эмас. Китобларнинг электрон муқобилларини кўпайтириш ҳамда улардан фойдаланиш имкониятларини қулайлаштириш, арзонлаштириш керак. Сўнгги вақтларда Ғарб ва бошқа китоб ўқишни севадиган юртларда электрон китобларни ўқиш кучайган.

Жадид боболаримиз элни, юртни маърифатли, зиёли қилиш учун ўз ҳисобларидан мактаблар очган, газет ва журналларни чиқарган. Халқни маърифатли, зиёли қилиш учун ўз ҳисобларидаги мол-мулкларини аяшмаган. Эй, нега мен мол-мулк дедим? Мол-мулк нима гап бўпти-ки, жонларини ҳам қурбон қилиб юборишган. Биздагилар эса, китобхонларнинг китобга бўлган муҳаббатларидан ўзларига моддий манфаат излашади. Халқни, миллат манфаатларини устун билишмайди. Биз нега боболаримизга ўхшамадик?.. Шу ҳақида ҳам ўйлаб кўришимиз керак...”.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 70901 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36986 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21401 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 80805 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61803 Жамият
Бразилияда бортида 70 киши бўлган паром чўкиб кетди
00:20 132 Жаҳон
Германиядаги йўл-транспорт ҳодисасида 44 руминиялик жабрланди
00:17 70 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 268 Маданият
Ўзбекистонлик иқтисодчи халқаро танловда ғолиб бўлди
23:30 / 23.08.2017 1187 Ўзбекистон
“Хато” тўфони Ҳонгконгга етказган зиён миллиард доллардан кўпроққа баҳоланмоқда
23:26 / 23.08.2017 759 Жаҳон
Кўпроқ янгиликлар