Тунис шаҳри 2017 йилда кўчиб ўтиш учун дунёнинг энг арзон шаҳри рўйхатига бошчилик қилди. Бу рейтингни юк таксиси хизматларини тақдим қилувчи Movinga немис компанияси мутахассислари тузишди. 

Фирма мутахассислари  янги жойда яшашнинг биринчи ойи, жумладан уй ижараси, телефон улаш, озиқ-овқат ва транспорт учун сарф-харажатларни ҳисоблаб чиқишди. Тунисда (Африкадаги Тунис давлати пойтахти) бунга 398 доллар кифоя қилади.
 
2-ўринни Ҳиндистон жанубидаги Бангалор шаҳри 422 доллар билан эгаллади. Етакчи учликни Қоҳира якунламоқда (532 доллар).

4-ўрин Бухарестга насиб қилди, бу ерда яшашнинг биринчи ойида 583 доллар талаб қилинади. 5-ўрин Колумбиянинг Медельинига насиб қилди. Бу шаҳарга кўчиб ўтиш 603,6 долларга тушади.

Етакчи ўнталикдан камайиб бориш тартибида София (Болгария), Колумбия пойтахти Богота, Лагос (Нигерия), Рига ва Будапешт шаҳарлари ҳам ўрин олди.

Ҳаммаси бўлиб рейтингга 75 та аҳоли пункти киритилган. Бу рўйхатнинг сўнгги ўринини Ангола пойтахти Луанда эгаллади. Бу ерда яшашнинг биринчи ойи учун 3,3 минг доллар керак бўлади.