Италиянинг кўчки остида қолган меҳмонхонасида ҳалок бўлганлар сони 12 нафарга етди. Қутқарувчилар яна уч кишининг жасадини топган, деб хабар қилмоқда Rainews24 телеканали.

Маълумотларга кўра, вайроналар остидан ҳозирча шахси аниқланмаган эркакларнинг жасади олиб чиқилган. 

Ҳозирча, 17 киши бедарак йўқолган ҳисобланади. Қидирув-қутқарув ишлари давом эттирилмоқда. 

Италиянинг Абруццо минтақасидаги Гран-Сассо округидаги фожиа 18 январда рўй берган эди. Тахминларга кўра, меҳмонхона биносига 120 минг куб метр қор ёпирилган. Кўчкига ўша куни Марказий Италияда рўй берган зилзила сабаб бўлган.