Нақд ва нақдсиз ҳисоб-китоблар ўртасидаги фарқлар бартараф этилади

Ўзбекистон 24 Январь 2017 62775

Қонун ҳужжатларини баҳолаш тизими порталига “Халқ билан мулоқот ва инсон манфаатлари йили” Давлат дастури лойиҳаси жойланди. У нақд ва нақдсиз пул айланмаси ўртасидаги фарқларни бартараф этиш чораларини назарда тутади. Бу ҳақда Norma.uz ёзмоқда.

Хусусан, пластик карталардан ҳамма ерда фойдаланиш учун қўшимча қулайликларни яратиш мақсадида тўлов терминалларининг ижара ставкаларини икки баробар пасайтириш таклиф этилмоқда. Бугунги кунда банклар томонидан белгиланган ижара ставкаси ойига 10 еврога тенг.
 
Шу билан бирга, бир пластик картадан бошқасига маблағларни ўтказиш учун тарифларни пасайтириш режалаштирилмоқда. Янги нормаларнинг асосий мақсади – фуқаролик айланмаси иштирокчилари учун нақд ва нақдсиз тўловлар ўртасидаги тафовутни бартараф этишдир. Ҳозир бундай ўтказмалар учун тўлов тизимлари маблағнинг миқдоридан 2 фоиз олишмоқда.
 
Бундан ташқари, якка тартибдаги тадбиркорлар, оилавий корхоналар, деҳқон хўжаликлари учун пластик карталардан ишлаб чиқариш, савдо ва бошқа эҳтиёжлари учун эркин фойдаланиш имкониятлари кенгаяди.
 
Нақд билан тўлаш талаблари ҳамда тўлов усулига боғлиқ ҳолда нархлардаги фарқларни белгилашга (бунинг учун чегирма тақдим қилиш) янада катта тақиқ қўйилади.
 
Шунингдек, банклар кредит карталарни фаолроқ чиқара бошлашади. Бугунги кунда пластик карталарнинг аксарияти дебет карталардир. Улар фақат эгасига тегишли бўлган ва унинг ҳисоб варағига олдиндан ўтказилган (қоидага кўра, иш берувчи томонидан) маблағлардангина фойдаланиш имкониятини беради. Кредит карталар эса унинг эгасига товар ва хизматларни кейинчалик қоплаб бериш билан банкнинг ҳисобидан олишга йўл қўяди. Шу тариқа, нақдсиз ҳисоб-китоблардан фойдаланиш учун қўшимча рағбатлантирувчи омил юзага келади.
 
Лойиҳа ўзгартирилиши, қўшимчалар киритилиши ёки рад этилиши мумкин.

 

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20639 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49608 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3140 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 1763 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 3550 Жаҳон
Хитой хорижий инвестицияларга чеклов жорий қилди
23:08 / 21.08.2017 2080 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3185 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3321 Технология
Лотин алифбосидан кимлар қўрқади?
22:45 / 21.08.2017 4834 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 4417 Ўзбекистон
Кўпроқ янгиликлар