Барселонанинг Mundo Deportivo нашри Ла Лига учрашувларининг биринчи даврасидаги «Реал» ва «Барселона» иштирокидаги ўйинларни таҳлил қилиб чиқди. Бу ҳақида Tribuna.uz ёзмоқда.

Нашр таҳлилига кўра «Реал» ҳакамлар ёрдамида жами 8 очко ишлаган, «Барселона» эса аксинча, 4 очкони бой бериб қўйган.

Мисол сифатида нашр «Реал» ва«Сельта» жамоалари ўртасидаги учрашувни (2:1) кўрсатган. Ўшанда Альваро Мората «тоза» офсайд ҳолатидан тўпни дарвозага киритганди. Худди шундай эътироз Серхио Рамоснинг «Малага» дарвозасига (2:1) урган голи бўйича ҳам бор. Шунингдек, «Эспаньол» (2:0) ва «Депортиво»га (3:2) қарши учрашувларда ҳам ҳакамларнинг хатолари ўйинга таъсир ўтказгани кўрсатиб берилган.

«Барселона» иштирокидаги учрашувларда ҳакамларнинг хатолари бўйича эса 8 учрашув учтасида жамоа очко йўқотган. «Сельта»га қарши учрашувда (3:4), Неймарга нисбатан ишлатилган қўполликдан кейин пенальти белгиланмагани, «Малага»га (0:0) қарши учрашувдаги Пикенинг тоза голининг ҳисобланмаслиги ва «Вильярреал»га қарши учрашувда (1:1) «Вильярреал» ҳимоячиларининг ўз жарима майдонида икки марта қўл билан ўйнаганига қарамай пенальти белгиланмаслиги ҳолатлари кўрсатиб ўтилган.

Аммо нашр шунингдек «Барселона»нинг «Реал Сосьедад»га қарши учрашувда (1:1) ҳисобга олинмаган гол эвазига бир очко ишлаб олганини ҳам қўшимча қилиб ўтган.

Маълумот учун 19 турдан кейин «Реал» «Барселона»ни битта учрашув кам ўтказган ҳолда 2 очкога ортда қолдирмоқда.