Остонада ўтган Сурия бўйича музокаралар якунларига кўра Россия, Эрон ва Туркия террорчиликка қарши бирга курашишга тайёрликларини билдирдилар, деб хабар бермоқда ТАСС ахборот агентлиги. Бу давлатларнинг бу ҳақдаги қўшма баёноти матнини Қозоғистон ташқи ишлар вазири Кайрат Абдрахманов ўқиб эшиттирган.

Давлатлар Сурия ихтилофи фақатгина сиёсий йўл билан ҳал қилиниши, унинг ҳарбий ечими йўқлиги ҳақидаги қарорга келишган.

Москва, Теҳрон ва Анқара, шунингдек, Сурияда ўт очишни тўхтатишни мониторинг қилиш механизмини яратиш ҳақидаги қарорга келишган.