Сурия мухолифати делегацияси раҳбари Муҳаммад Аллуш Сурия президенти Башар Асаднинг ҳукуматдан кетишини талаб қилди. Бу ҳақда РИА «Новости» хабар бермоқда.

Шунингдек у Сурия мухолифати Сурия Араб Республикасидаги жанговар ҳаракатлар Россия кўмагида тўхтатилишдан умидвор эканини маълум қилди.

Аввалроқ Остонадаги уч томонлама учрашув якунига кўра, Россия, Эрон ва Туркия Сурияда террорчилик билан ҳамкорликда курашишга тайёр эканликларини тасдиқлади. 

Остонада сешанба куни расмий Дамашқ ва қуролланган Сурия мухолифати ўртасида Москва, Анқара ва Теҳрон воситачилигида маслаҳатлашувларнинг иккинчи куни ўтмоқда.