Лондоннинг «Арсенал» клуби яримҳимоячиси Гранит Чака ирқчиликда айбланмоқда. Бу ҳақда Tribuna.uz нашри хабар берди.

Воқеа «канонир»ларнинг АПЛ 22-туридаги«Бёрнли»га қарши учрашувдаги ғалабасидан бир кун ўтиб содир бўлган. Ўйинда қизил карточка олиб майдонни тарк этган футболчи Хитроу аэропортида дўстини кутиб олгани чиққан. Бироқ рейс кечикаётганидан жаҳли чиққан футболчи аэропорт ходимларидан бирига немис тилида турли ҳақоратомуз гапларни ишлатган.

Футболчи воқеа жойига етиб келган полиция билан ҳеч қандай қаршиликсиз маҳкамага етиб борган. «Унинг ўзи полицияга келди, суриштирув ишлари давом этмоқда», — деган ҳуқуқ-тартибот органи ходими.