Мексика раҳбарининг АҚШга ташрифи чегарада қурилаётган девор туфайли бекор қилинадими?

Жаҳон 26 Январь 2017 3713

Мексика президенти Энрике Пенья Ньетонинг АҚШга 31 январь кунига режалаштирилган ташрифи белгиланган муддатда амалга оширилади. Бу ҳолат мексикалик сиёсатчиларнинг уни Америка етакчиси Дональд Трамп томонидан чегарада девор қуриш ҳақидаги қарори туфайли бекор қилиш ҳақидаги чақирувларига қарамай юз беради, деб маълум қилди Мексика ташқи ишлар вазири Луис Видегарай. Бу ҳақда Televisa телеканали хабар тарқатди.

"Президентларнинг (Мексика ва АҚШ) Вашингтондаги амалий учрашуви келаси сешанба куни бўлиб ўтиши тасдиқланди", - деб маълум қилди Мексика ТИВ раҳбари. Унинг сўзларига кўра, икки мамлакат етакчилари ўртасидаги аввалдан режалаштирилган музокаралар "ўз кучида қолади".

Мексикада Трампнинг Лотин Америкаси мамлакати билан чегарада "йирик тўсиқ" қурилиши ҳақидаги баёноти сиёсий арбоблар ва жамоатчилик вакиллари орасида катта танқидга сабаб бўлди. Мексикалик бир қатор сиёсатчилар Пенья Ньетони Америка президенти билан режалаштирилган учрашувни "дарҳол бекор қилишга" чақирди.

Шу билан бир қаторда, Видегарайнинг хабар беришича, девор қурилиши юзасидан у Трамп жамоаси билан Оқ уйдаги учрашувда "катта ташвишда" эканини билдирган. 

"Биз Мексика ҳукумати томонидан АҚШ ҳукумати ва халқига нисбатан қабул қилинган конструктив ва ижобий қарорларга мос келмайдиган жиддий қадамлар қўйилишидан жиддий ташвишдамиз", - деб таъкидлаб ўтган Мексика ташқи сиёсат идораси раҳбари.

Пенья Ньето эса бир неча бор унинг мамлакати Вашингтон билан яхши муносабатлардан умидвор эканини, бироқ девор қурилиши учун маблағ сарфламаслигини маълум қилган. "АҚШнинг девор қуришни давом эттириш борасидаги қарорини қоралаймиз, - дея маълум қилди Мексика президенти чоршанба куни Трамп томонидан имзоланган фармонга изоҳ бериб. – Мен бир неча бор айтиб ўтганман: Мексика ҳеч қандай девор учун пул тўламайди".

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20697 Жаҳон
Кун.uz офис изламоқда
15:48 / 06.08.2017 38036 Lifestyle
Зидан: Бизни оғир мавсум кутиб турибди, яна «Барса» билан рақобат
09:00 2 Спорт
НАТО шаҳарларда ҳарбий амалиётларни ўтказиш концепциясини ишлаб чиқмоқчи
08:59 18 Жаҳон
Гватемалада жиноятчиларнинг шифохонага ҳужум қилиши оқибатида 7 киши ҳалок бўлди
08:51 77 Жаҳон
Саудия Арабистонида ҳукмрон оиладан бўлган яна бир шаҳзода вафот этди
08:46 892 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 641 Жаҳон
Вальверде: «Реал» ҳам барибир мағлуб бўлади
08:31 1 Спорт
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 755 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 990 Жаҳон
Кўпроқ янгиликлар