АҚШ президенти Дональд Трамп инаугурациясидан кейин ҳимояланганроқ смартфон фойдасига ўзининг шахсий смартфонидан воз кечиши керак эди. Бироқ The New York Times нашри Трампнинг Android-қурилмаси ҳамон унинг ёнидалигини кўрсатган.

Оқ уй хавфсизлик хизмати Трампга ўзининг Android-смартфонидан фойдаланишни тўхтатишни ва рақамини ўзгартиришни тавсия қилган. У эса бунга розилик билдирган. 

Бироқ Трампнинг твиттердаги @realDonaldTrump номли аккаунтида унинг ўзи томонидан Android дастуридан юборилган кескин руҳдаги твитлар мунтазам пайдо бўлмоқда. Штаб ходимлари твитлари эса iPhone’дан юборилади.

AndroidCentral мутахассисларининг фикрича, Трамп 2012 йил май ойида сотувга чиқарилган Samsung Galaxy S3 смартфонидан фойдаланади.