АҚШ президенти Дональд Трамп Сурияда қочқинлар муаммосини ҳал қилиш учун хавфсиз ҳудудлар ташкил этиш ҳақида режалари борлигини тасдиқлади. Сиёсатчи бу ҳақда АВС телеканалига берган интервьюсида айтиб ўтган.

«Мен Сурияда кишилар учун хавфсиз зоналарни аниқ ташкил этаман. Ўйлашимча, Европа миллионлаб инсонларга (қочқинлар. – таҳ.) Германия ва бошқа давлатларга келишга рухсат бериб, катта хатога йўл қўйди. Энди эса биз у ердаги ҳалокатли вазиятни кўриш билан чекланаяпмиз», - дея маълум қилди Трамп.

Шу билан бир қаторда, миллиардер АҚШда Европадаги қочқинлар билан боғлиқ вазият юзага келишини истамаслигини айтиб ўтди.

Аввалроқ Reuters агентлиги АҚШ президенти Дональд Трамп томонидан ишлаб чиқилган фармон лойиҳаси суриялик қочқинлар учун хавфсиз ҳудудларни ташкил этишни кўзда тутиши ҳақида хабар берганди.