Жиноятчилар машинани эгасига ёнилғи тўла бак билан қайтаришди

Жамият 26 Январь 2017 7477

Канадада жиноятчилар ўғирлашган машиналарини ёнилғи баки тўла ҳолда эгасига қайтаришди. Бу ҳақда Facebook’да машина эгаси Жош Кук маълум қилган. Автомобиль ўғирлангандан бир кун ўтиб эгасига қайтарилган. 

Ушбу воқеани ёритган CBC News нашрининг таъкидлашича, Кукнинг машинаси у пиццани мижозга етказганда ўғирлаб кетилган. Кук ёмон об-ҳаво шароити сабабли ўзининг 2008 йилдаги Saturn Astra машинасини авариявий сигнали ва моторини ёқиқ ҳолда қолдирган. Канадалик бино ичига кирганда мотор шовқинини эшитган ва кўчага югуриб чиққан, бироқ не кўз билан кўрсинки, унинг машинаси катта тезликда ундан узоқлашиб кетган.

Кук ҳамма ишини ташлаб, яқин орадаги клиникага бориб, у ердан полицияни чақиртирган, унинг мобиль телефони машинада қолиб кетган бўлган. Бўлган воқеадан хабар топган клиника ходимлари унга раҳмлари келиб, пиццасини сотиб олиб, яна яхшигина чойчақа ҳам беришган.

Эртаси куни Кукнинг таниши жиноят жойи ёнидан ўтаётиб, Кукнинг автомобилини кўриб қолган. "Астра" ўзи ўғирланган жойдан 10 метр берида ташлаб кетилган бўлган. Машинанинг габарит чироқлари ёқиқ ва қулфлар очилган бўлган, машинанинг ўт олдириш калити эса аниқланмаган. 

Воқеа жойига захира калит билан етиб келган Кук машинасига нимадир жиддий шикаст етганини аниқламаган. Шу билан бирга у машинани бошқараётганда подвеска, трансмиссия ва чиқиндилар чиқариш тизимида баъзи муаммолар борлигини қайд қилган, бироқ ҳаммасидан уни лиқ тўла бак ҳайратлантирган.

Жабрланувчи автомобилини полициячиларга терговни ўтказишлари учун топширган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 25015 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 54984 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 65364 Жамият
Бемор нега ўлим олдидан яхши кайфиятда бўлади?
Янги iPhone нефть ва қайин қобиғидан ясалган корпусга эга бўлади
Саудия Арабистони ва Хитой 20 млрд долларлик инвестиция жамғармасини ташкил этади
25 август куни Ўзбекистонда ўзгарувчан об-ҳаво кузатилади
Хитой шимолида жуда йирик газ кони топилди
15:34 614 Жаҳон
Қатар Россия билан ҳарбий-техник ҳамкорлик тўғрисида битим тузиши мумкин
15:24 691 Жаҳон
Қозоғистон БМТ Хавфсизлик Кенгашини ислоҳ қилиш таклифи билан чиқди
15:22 462 Жаҳон
Кўпроқ янгиликлар