«Яшил ҳафта-2017»: Ўзбекистон 151 млн доллардан ортиқ шартнома имзолади

Ўзбекистон 27 Январь 2017 5884

Германия пойтахти Берлин шаҳрида «Яшил ҳафта-2017» анъанавий халқаро қишлоқ хўжалиги кўргазмаси ўз ниҳоясига етиб бормоқда. Кўргазманинг 7 куни мобайнида Ўзбекистон вакиллари Европа ва бошқа мамлакатларга янги ва қайта ишланган мева-сабзавот маҳсулотларини етказиб бериш бўйича 151,2 млн долларлик ўрта ва узоқ муддатли битимларни имзолашди. Бу ҳақда  «Ўзагроэкспорт» АЖ матбуот хизмати Кун.Узга хабар қилди. 

Дунёнинг Германия, Буюк Британия, Латвия, Жанубий Корея, Ҳиндистон, Хитой, БАА ва Туркия каби 10дан ортиқ мамлакатига Ўзбекистонда етиштирилган мева-сабзавотларни етиштириб бериш бўйича келишувлар имзоланган. 

Дунёнинг 66 мамлакатидан келган 1,6 мингдан ортиқ компания ва фермер хўжаликлари қатнашган кўргазмада Ўзбекистоннинг Бош вазир ўринбосари, қишлоқ ва сув хўжалиги вазири Зоир Мирзаев раҳбарлигидаги делегацияси ҳам иштирок этди. Қишлоқ хўжалиги, чорвачилик, боғдорчилик ва озиқ-овқат саноатидаги энг йирик кўргазмага 400 мингдан ортиқ киши ташриф буюргани хабар қилинмоқда. 

Ўзбекистон Республикасининг 200 квадрат метр майдонга яқин миллий бурчагида янги мевалар, сабзавотлар ва полиз маҳсулотлари, қуруқ мевалар, ёғ-мой ва виночилик маҳсулотлари, зираворлар ва бошқа қайта ишланган маҳсулотлар намойиш этилди. 

Ўзбекистон миллий бурчагига ташриф буюрганлар мамлакатимизнинг мева-сабзавотлар етиштириш салоҳияти, талаб ва таклифларини ўрганишди. Меҳмонлар миллий таомлар, янги ва қуритилган мевалардан татиб кўриш имконига эга бўлишди. 

Кўргазма 29 январгача ўз ишини давом эттиради.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 13307 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20670 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10328 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 11153 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 38231 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52215 Жамият
Атамбоев Қирғизистон бош вазири вазифасини бажарувчини тайинлади
14:28 3 Жаҳон
Трамп Афғонистондан америкалик ҳарбийларни зудтар олиб чиқиш имконсизлигини айтди
14:10 722 Жаҳон
Қозоғистон Қирғизистонга ёрдам кўрсатишни бошлади - 41 миллион доллар
14:00 546 Жаҳон
Президент ҳузурида ишбилармонлик муҳитини яхшилаш бўйича Давлат комиссияси ташкил этилиши мумкин
Кўпроқ янгиликлар