Эксперт: "Юртимиздаги хориж университетларини битирган ёшлар Ўзбекистонда қолиб, ишлашни исташмаяпти"

Ўзбекистон 27 Январь 2017 40000

26 январь куни "2017-2021 йилларда Ўзбекистон Республикасини ривожлантиришнинг беш йўналиши бўйича Ҳаракатлар стратегияси" лойиҳасига бағишланган медиаҳафталикнинг тўртинчи кунида таълим йўналишида ҳам кўплаб музокаралар бўлиб ўтди. Иштирокчиларнинг спикерларга йўллаган саволлари орасида хусусий коллеж ва лицейларни ташкил этиш бўйича савол ҳам бор эди. 

"Хусусий ўқиш жойларида болаларнинг тарбияси қайси томонга йўналтирилиши ноаниқ. Уларга жавобгарликни ким ўз зиммасига олади? Айни дамда хусусий коллеж ва лицейларни очиш масаласи олдида бир қанча мавжуд муаммолар борлигига эътибор қаратишимиз лозим. Бизга маълумки, ҳозирда юртимизда кўплаб чет эл университетларининг филиаллари мавжуд. Улар орасида Сингапур менежментни ривожлантириш институти, Плеханов номидаги Россия иқтисодиёти университети, Турин политехника университети, Инҳа университетини мисол қилиш мумкин. Бироқ биз ишга қабул қилиш вақтида юқоридаги олийгоҳларни тамомлаган талабаларни суҳбатга чақирганимизда уларнинг кўпчилигини Ўзбекистонда қолиш нияти йўқ. Яна бир бор эътиборингизни қаратишингизни сўрайман, айнан қолиш нияти йўқ.  Агарда бу университетларда бизнинг яхши тарбияли, билими кучли ёшларимиз таҳсил олган бўлса, нима сабабдан Ўзбекистонда ишлаш нияти йўқ? Бу бизнинг олдимизда турган катта муаммодир. Аввалам бор, мана шу масалалар юзасидан катта-катта ишларни олиб боришимиз зарур", - деди Ўзбекистон Республикаси Иқтисодиёт вазири ўринбосари Дилмурод Турдиев. 

 Шу ўринда, Самарқандда озиқ-овқат соҳасида хорижий ҳамкорлар билан янги йўналишдаги институтни ташкил этиш, Бухорода туризмни ривожлантириш бўйича, Андижон ва Фарғонада механика йўналишини ривожлантириш бўйича янги институтлар очиш дастурдан асосий ўрин олгани алоҳида қайд этилди. Мазкур таклиф бўйича қарор қабул қилиниши билан бунинг устида қатор ишлар амалга оширилиши айтиб ўтилди. 

"Ҳозирги кунда фарзандларимизни чет элга кетиб қолишини олдини олиш учун қиладиган ишларимиз, вазифаларимиз талайгина", - дея қўшимча қилди Дилмурод Турдиев.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 5825 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 6747 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21798 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 50389 Жамият
Индонезиялик хакерлар байроқ можаросидан сўнг Малайзиянинг қарийб 30 та сайтини бузиб киришди
08:30 82 Жаҳон
АҚШ Сурия ҳукуматига кимёвий қурол қўлланилиши юзасидан махсус баёнот билан чиқди
08:24 303 Жаҳон
Ироқ ИШИДдан икки ойдан сўнг бутунлай озод этилиши айтилди
08:20 191 Жаҳон
АҚШда қуёш тутилишини томоша қилаётганларни автомобиль босиб кетди
08:06 1092 Жамият
Кобулнинг дипломатик туманида ракета портлади
07:55 347 Жаҳон
АҚШ эсминецининг савдо кемаси билан тўқнашувига сабаб сифатида кибераралашув ҳам кўриб чиқилади  
07:47 260 Жаҳон
Кўпроқ янгиликлар