Ҳиндистонлик шифокор 500 кг вазнли оғир беморни бепул даволаш учун Мисрга ташриф буюрди 

Жамият 27 Январь 2017 20057

Мумбайлик шифокор ва унинг жамоаси мисрлик аёлнинг саломатлигига боғлиқ кўплаб муаммоларни бартараф этиш мақсадида дунёдаги энг мураккаб операцияни ўтказишга қарор қилди. 

Ҳиндистонлик лапароскопик жарроҳ Муфаззал Лакдавала ўтган ҳафтада Искандарияда яшовчи 36 ёшли Эман Аҳмаднинг уйига ташриф буюрди.

"Мен унинг оиласи Эман ҳақида қанчалик қайғураётганини кўриб, хурсанд бўлдим. Бу эса уни қўллаб-қувватлаш учун жуда ҳам зарурдир", - дейди бариатик ва ошқозон-ичак онкологияси жарроҳлигига ихтисослашган шифокор.

Эманнинг синглиси Шайма опасининг аҳволи ёмонлашгани туфайли шифокор Лакдавала билан ўтган йилнинг  октябр ойида боғланган. Шайма ҳиндистонлик шифокор синглисига бепул ёрдам беришни таклиф қилганида қаттиқ таъсирланганини айтиб ўтди. Сабаби, унинг оиласини бундай қиммат операция учун имконияти йўқ эди. 

Эман 25 йилдан бери ўз уйидан чиқа олмайди. Шифокор сўзларига кўра, мазкур иш жуда мураккаб бўлиб, Эман оёққа туриши учун узоқ йўлни босиб ўтиши керак бўлади. У эндокринолог, кардиолог, терапевт, диетолог, анестезиолог, невропатолог ва нефролог каби шифокорлар кўригидан ўтиши зарур ва қўйилган ҳар бир ташҳис унинг даволанишига асос бўлиши мумкин. 

"Эман жуда оғир бемор саналади. У аллақачон ўнг қўли ва оёғи фалаж бўлиб қолиши натижасида инсультни бошдан ўтказган. 2 тоифали диабет, гипертония, оғир обструктив ўпка касалликларига эга", - дейди Лакдавала. 

Шифокор Эманга ёрдам бериш учун маблағ тўплаш мақсадида махсус кампанияни бошлади. Маълум бўлишича, унинг ҳаво ва ер транспорти ҳамда дорилардан иборат тиббий даволаш усули қарийб 5 миллион рупий атрофида. 

Айни дамда Чарн-роуддаги Saifee шифохонаси қошида операцион ва интенсив терапиялар бўлимини ўз ичига олган персоналга хизмат қилувчи бир ётоқли касалхона қурилмоқда. Бу қурилиш Эманни қўллаб-қувватлаш учун амалга оширилмоқда. 

Эманни юк ташиш самолётида шифохонага олиб келиш кўзда тутилган. 

Шифокор Лакдавала Мумбайдаги семизликка қарши курашиш ва ошқозон жарроҳлиги марказининг асосчиси ҳисобланади.  Шунингдек, Мумбайдаги Saifee ва Дубайдаги MEDEOR шифохонаси, Жарроҳлик фанлари институти ва тадқиқот марказининг раиси саналади. 

Кун янгиликлари
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 38877 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 44312 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 6420 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 17933 Ўзбекистон
ASUS ZenFone 4 ва Zenfone 4 Pro флагманини намойиш этди
АҚШ ва Хитой ўртасидаги савдо жангининг 5 жиҳати
Барселонадаги терактга алоқадорликда гумонланган яна бир шахс қўлга олинди
15:20 114 Жаҳон
Иноятов: Сўнгги 5-6 йил ичида мактаблар пахта теримига умуман жалб этилмаган
15:15 975 Жамият
Африканинг энг бой кишиси «Арсенал»ни харид қилмоқчи
15:10 856 Спорт
Тошкентдан Бекободга электричка қатнайди
Кўпроқ янгиликлар