АҚШ президенти Дональд Трамп иммиграцияни чекловчи фармонга имзо чекади. Бу ҳақда президент маъмуриятидаги манба хабар берган.
У берган маълумотларга кўра, Трамп қочқинларни қабул қилишни чеклайди ва мамлакатдан бошпана топганлар учун “фавқулодда танлаш метод”ларини тартибга солади.
Трампнинг жума кунги иш тартибида бир қатор фармонларга имзо чекиши киритилган. Айнан қайси фармонлар эканлигига Оқ уйдагилар аниқ маълумот беришмаган.
Маълумот ўрнида: АҚШ 2016 йил 85 минг қочқинни қабул қилди. Ундан олдинги уч йил ичида эса қаторасига 70 минг қочқин Қўшма Штатларда қабул қилинган.