Болалар адабиётининг жонкуяри – Сафо Матжон 70 ёшда

Жамият 28 Январь 2017 2563

Бутун умри, фаолиятини болалар адабиётига бағишлаган филология фанлари доктори, профессор Сафо Матжон таваллудига 70 йил тўлиши муносабати билан Алишер Навоий номидаги Тошкент давлат ўзбек тили ва адабиёти университетида “Тил ва адабиёт таълимининг долзарб масалалари” номли республика илмий-амалий анжумани бўлиб ўтди. 

Анжуманни бошқариб борган университет ректори Ш.Сирожиддинов: “Бу қутлуғ даргоҳда етишиб чиққан қанчадан-қанча улуғ зотлар, тилимиз, фанимиз, адабиётимиз ёруғ келажаги учун ўзларини бутун борлиғи билан фидокорона меҳнат қилдилар, шулар қаторида устоз Сафо Матчоновнинг меҳнатлари алоҳида таҳсинга сазовордир”, дея таъкидлади. Дарҳақиқат, анжуманга республикага таниқли олимлар, фан арбоблари, шоиру ёзувчилар ташриф буюриб, Сафо Матжон илмий-ижодий дунёси, унинг болалар адабиётига қўшган улкан хизмати, шогирдлар тайёрлашдаги матонатли меҳнатларини ҳақли равишда эътироф этдилар. Жумладан, Ўзбекистон халқ шоири Омон Матжон, болалар шоири Турсунбой Адашбоев, Дилшод Ражаб, адабиётшунос Қозоқбой Йўлдошев каби қатор илм-фан ходимлари ўзларининг чиқишларида олимнинг серқирра фаолиятига баҳо бердилар. 

Сафо Матжон 50 йиллик илмий-ижодий фаолияти давомида “Ўқиш китоби” (4-синфлар учун дарслик), “Китоб ўқишни биласизми?”, “Мактабда адабиётдан мустақил ишлар”, “Она тили ўқитиш методикаси”, “Болалар адабиёти”, “Болалар олами”, “Тириклик суви” “Икки эл ардоғида”, “Болаликни пошшоликка йўйган адиб” номли қатор рисола, монография, ўқув қўлланмалари кенг китобхонларга тақдим қилинди. Анжуман доирасида университет иқтидорли талабалари томонидан тайёрланган шеърият гулдасталари меҳмонларга хуш кайфият бағишлади. 

Изоҳ: Сафо Матчон 1947 йил 23 январда Қорақалпоғистон Республикаси Амударё тумани “Қипчоқ” қишлоғида туғилган.

Хурсандбек ТЎЛИБОЕВ, адабиётшунос

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 17207 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 22368 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 11360 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 12229 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 40582 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52947 Жамият
Кун.uz офис изламоқда
15:48 / 06.08.2017 47756 Lifestyle
Зафар Ҳошимов лотин алифбоси, ўзбек тилининг мавқеини ошириш ва чет тилларга ҳурмат сақлаш ҳақида
Япония ТИВ раҳбари: КХДР ядро дастуридан воз кечмагунга қадар унга босим ўтказиш керак
15:40 577 Жаҳон
Қатар зиёратчиларнинг Саудияга парвозларини блокламоқда
15:35 1096 Жаҳон
Кўпроқ янгиликлар