Шимолий Корея олий раҳбари Ким Чен Ин Пхеньяндаги Рёмён кўчасидаги қурилишга ташриф буюриб, ишчиларни лойиҳани Қуёш кунигача (15 апрель – Шимолий Корея давлати асосчиси, амалдаги раҳбарнинг бобоси Ким Ир Сен туғилган куни) якунлашга чақирди. Бу ҳақда Шимолий Корея ахборот агентлиги хабар бермоқда.  

Ким Чен Ин лойиҳа корейсларнинг матонатли маънавий кучини намойиш қилишини таъкидлаб ўтди. Унинг айтишича, қурилиш душманларнинг ёвуз ҳарбий ва иқтисодий кирдикорларига ортида олиб борилмоқда, санкция ва босимлар эса мамлакат армияси ва халқининг ғолибона юришини тўхтата олмайди.