Kim Chen In Pxenyanning kelajagiga boqdi

Shimoliy Koreya oliy rahbari Kim Chen In Pxenyandagi Ryomyon ko‘chasidagi qurilishga tashrif buyurib, ishchilarni loyihani Quyosh kunigacha (15 aprel – Shimoliy Koreya davlati asoschisi, amaldagi rahbarning bobosi Kim Ir Sen tug‘ilgan kuni) yakunlashga chaqirdi. Bu haqda Shimoliy Koreya axborot agentligi xabar bermoqda.  

Kim Chen In loyiha koreyslarning matonatli ma'naviy kuchini namoyish qilishini ta'kidlab o‘tdi. Uning aytishicha, qurilish dushmanlarning yovuz harbiy va iqtisodiy kirdikorlariga ortida olib borilmoqda, sanksiya va bosimlar esa mamlakat armiyasi va xalqining g‘olibona yurishini to‘xtata olmaydi.