АҚШнинг Сан-Диего мактаб округи ўзига тааллуқли Patrick Henry High School мактаби ўқитувчиси ўқувчини дарс вақтида ҳожатхонага чиқармагани учун жабрдийда қизга 1,25 млн доллар товон пули тўлайдиган бўлди.

RT нашри маълум қилишича, воқеа 2012 йил февралда юз берган. Гонья Вольф исмли ўқитувчи 14 ёшли ўқувчини тозалаш учун мўлжалланган хонада челакка ёзилиб олишга мажбур қилган ҳамда ўқувчига челак ичидагини синфда жойлашган раковинага оқизишни буюрган.

Ўқувчи адвокатининг айтишича, ўқувчи "бу камситувчи ва беадаб жазо сабабли кучли стресс ҳолатини ҳис қилган". 

Суд қизга 1,25 млн доллар миқдорида маънавий зарар ҳамда тиббий сарф-харажатлар тўлови сифатида яна 41 минг доллар тўлаб бериш қарорини чиқарган.