Анқара ва Лондон террорчиликка қарши курашда яқиндан ҳамкорлик қилишга келишиб олдилар, деб маълум қилди ҳозирда Туркияга ташриф буюрган Буюк Британия бош вазири Тереза Мэй билан музокаралар якунларига кўра Туркия бош вазири Бинали Йилдирим.

"Биз террорчиликка қарши курашда яқиндан ҳамкорлик қилишга келишиб олдик. Биз муҳокама қилган мавзулар орасида 15 июлдаги давлат тўнтарувига уриниш ҳам бўлди. Биз ҳурматли Мэйга Фатҳулла Гуленнинг террорчилик ташкилоти бутун дунёдаги каби Буюк Британияда ҳам фаолият олиб боришини айтдик. Биз Буюк Британиядан шу муносабат билан барча зарур чораларни кўришни сўрадик", деб айтди Йилдирим Мэй билан қўшма матбуот-анжуманида.