Марҳум британ маликаси Диана ўлимининг 20 йиллигига 2017 йил охирида Лондонда унинг ҳайкали пайдо бўлади. Бу ҳақдаги хабар 28 январда инглиз қироллик саройининг Instagram’даги расмий сайтида жойлаштирилди.

Ҳайкал учун жой сифатида Кенсингтон саройи танланди. Ҳайкал маликанинг ўғиллари – шаҳзодалар Уильям ва Гаррининг илтимосига кўра шу ерга ўрнатилади. "Онамизнинг ўлимидан 20 йил ўтди ва унинг ҳайкалини ўрнатиб, онамиз Буюк Британия ва бутун дунё учун ижобий таъсир қилганини тан олиш вақти келди", деб айтди Гарри.

Ҳайкални ўрнатиш учун маблағ хусусий маблағлар ҳисобига йиғилган. Шаҳзодалар кўрсатмасига кўра, ҳайкалтарош ва лойиҳани танлайдиган ҳамда ҳайкални ўрнатиш бўйича ишларни назорат қиладиган 6 кишидан иборат комиссия тузилди.

2016 йил декабрида Диана ҳайкали 2017 йилда Лондоннинг Трафальгар майдонида пайдо бўлиши мумкинлиги маълум бўлганди. 

Диана қиролича Елизавета II’нинг тўнғич ўғли шаҳзода Чарльзнинг биринчи рафиқаси бўлган. Малика 1997 йил 31 августда Париждаги автоҳалокатда вафот этган. Малика кетаётган машинани папарацци тақиб қилган. Ўша машъум воқеа содир бўлганда Диананинг ўғиллари 15 ва 12 ёшда бўлганлар.