Германия канцлери Ангела Меркель АҚШ президенти Дональд Трампни Америка иммиграция сиёсатига кескин тус бергани учун танқид қилди. Бунинг натижасида, дунёнинг 7 мусулмон мамлакати фуқароларининг АҚШга кириши вақтинча тақиқланди, деб ёзади Der Spiegel.

Бу ҳақда ГФР ҳукумати вакили Штеффен Зайберт газетага берган интервьюсида маълум қилган. 

«Унинг ишонишича, сўзсиз зарур бўлган террорчиликка қарши кураш, маълум бир халқ ёки дин вакилини гумон қилишга асос бўла олмайди», — деган Зайберт Ангела Меркель ҳақида. 

Зайберт, шунингдек, ҳозирда расмий Берлин икки фуқароликка эга бўлган фуқароларига Америка маъмурияти ҳаракатларининг оқибатларини баҳоламоқда. 

Дональд Трампнинг иммиграция сиёсатини Буюк Британия бош вазири Тереза Мэй ҳам танқид қилди. 

«АҚШ иммиграция сиёсати —бу Қўшма Штатлар ҳукуматининг иши. Буюк Британиядаги шу борадаги сиёсат ҳам бизнинг ҳукуматимиз томонидан аниқланиши керак. Бироқ, биз бундай ёндашувни маъқуллай олмаймиз», — дея Мэй сўзларини келтиради Reuters. 

Аввалроқ, Канада бош вазири Жастин Трюдо Трампнинг мусулмонларга қарши фармонига муносабат билдириб, қочқинларни қабул қилишга шайлигини изҳор қилган эди.