Америкаликларнинг камида 51 фоизи АҚШ президенти Дональд Трамп сиёсатига қарши чиқмоқда. Бундан Gallup poll found таҳлилий агентлиги томонидан ўтказилган сўров натижалари гувоҳлик бермоқда.

Трампнинг президент лавозимидаги биринчи саккиз куни 51 фоиз америкаликлар норозилигига сабаб бўлган бўлса, АҚШ янги раҳбари сиёсатини 42 фоиз америкалик қўллаб-қувватламоқда. Сўровда вояга етган 1,5 минг америкалик иштирок этган. Хато 3 фоизни ташкил этиши мумкин.

Hill газетасининг таъкидлашича, президентлик лавозимига 2009 йилда киришган АҚШ собиқ президенти Барак Обама ўз иши ҳақидаги 51 фоиз салбий фикрларни фақатгина 2011 йилнинг августида олган.

Аввалроқ Трамп “Мамлакатни хорижий террорчилар кириб келишидан ҳимояси тўғрисида”ги фармони билан мамлакатга 90 кун давомида Эрон, Ироқ, Яман, Ливия, Сурия, Сомали ва Судан фуқаролари кириб келишини тақиқлаб қўйди. Ҳужжат шунингдек барча қочқинларни қабул қилишни 120 кунга тўхтатиб туриш ҳамда Суриялик қочқинларни қабул қилишни номаълум муддатга қолдиришни ҳам назарда тутади.

АҚШ шаҳарларида якшанба куни фармонга қарши кўп минг кишилик норозилик акциялари ўтказилди. New York Times нашри маълумотига кўра, акциялар Бостон, Майами, Нью-Йорк, Филадельфия, Хьюстон, Детройт, Лос-Анжелес ва Атланта шаҳарларидаги майдон ҳамда аэропортларда бўлиб ўтди.