Украинанинг Донбассидаги жанговар ҳаракатлар оқибатида ўтган бир кун ичида 25 нафар украиналик ҳарбий ҳалок бўлди ва 40 дан кўпроғи яраланди, деб маълум қилди тан олинмаган Донецк халқ республикаси вакили Эдуард Басурин.

"Бизда мавжуд маълумотларга кўра, артиллерия ўқ-дорилари детонация қилиши оқибатида 152-миллиметрли "Гиацинт-Б" гаубицалари икки расчётининг бутун шахсий таркиби ҳалок бўлди. Бу расчётлар Макеевканинг тинч аҳолисига зарбалар берган. Ҳаммаси бўлиб бир кунда 25 украиналик ҳарбий ҳалок бўлган", деб айтган Басурин.