Канада бош вазири Жастин Трюдо Квебекда жойлашган масжиддаги отишмани “қўрқоқ ҳужум” деб атади ва унда қурбон бўлганлар ҳамда улар оила аъзолари ҳақида ўйлаётганини ёзди.

Аввалроқ бир қатор ОАВлар Квебекдаги маданий марказ раҳбарига асосан шаҳарда жойлашган масжидда юз берган отишма оқибатида беш киши ҳалок бўлгани ҳақида хабар берганди. Radio Canada радиостанцияси таъкидлашича, Квебекдаги ислом маданият марказини шаҳарнинг “катта масжиди” деб аташади.

“Бугун канадаликлар Квебекдаги масжидга уюштирилган қўрқоқ ҳужум оқибатида ҳалок бўлганлар хотирасини ёд этмоқда. Мен қурбонлар ҳамда уларнинг оила аъзолари ҳақида ўйлаяпман”, - деб ёзди Трудо Twitter’да.

Агентлик шунингдек отишмада иштирок этган уч нафар қуролланган номаълум шахс ҳақида ҳам хабар берганди. Бу ҳолат якшанба куни маҳаллий вақт билан 20.00 да, кечки ибодат вақтида содир бўлган.

Huffington Post Quebec газетасининг ёзишича, масжиддаги отишма туфайли икки киши ҳибсга олинган бўлиши мумкин. Газета маълумотига кўра, воқеа жойида полиция кенг қамровли амалиёт ўтказмоқда. Уларнинг аксарият қисми “яхши қуролланган”.