Канаданинг Квебек шаҳридаги Ислом маданий марказига уюштирилган қуролли ҳужум оқибатида бир неча киши ҳалок бўлганини ҳуқуқ-тартибот идоралари тасдиқлади, деб ёзмоқда Le Dovoir нашри.

Квебек шаҳар полиция хизмати вакили Этьен Дойоннинг сўзларига кўра, отишмани ташкил этишда гумон қилинган икки киши қўлга олинган. Шу билан бирга, у қурбонлар борлигини айтар экан, уларнинг сонига ойдинлик киритмаган. 

«Менга айтишларича, бу ерда отишма бўлган ва жиноятчи қуролини уч марта ўқлашга улгурган. Менга, шунингдек, камида беш киши жиноят қурбони бўлганини айтишди», — дея Ислом маркази раҳбари Муҳаммад Янги сўзларини келтиради газета.

Бундан аввалроқ, Reuters агентлиги ҳам шу манбага асосланган ҳолда 5 кишининг ҳаётдан кўз юмганини маълум қилган эди.