Испания чемпионатининг 20-туридан ўрин олган марказий учрашувда «Реал» «Реал Сосьедад»ни йирик ҳисобда мағлубиятга учратди.

Учрашувнинг биринчи бўлимида Матео Ковачич мадридликларни ҳисобда олдинга олиб чиқди. Иккинчи бўлим бошида Криштиану Роналду ҳисобдаги фарқни иккитага етказди. 74-дақиқага келиб «Сосьедад» ўн киши бўлиб қолди. Иньего Мартинес иккинчи сариқ карточкасини олиб майдонни тарк этди. Бундан эса мадридликлар яна бир марта фойдаланишди ва Алваро Мората ўйинга сўнгги нуқтани қўйди.

Мазкур ғалабадан кейин «Реал» ҳисобидаги очколар сони 46тага етди ва жамоа «Барселона» ва «Севилья»дан битта кам учрашув ўтказган ҳолда уларни 4 очкога ортда қолдириб кетмоқда. «Реал Сосьедад» эса 35 очко билан 5-поғонани банд этиб турибди.

Испания Ла-лигаси, 20-тур

Реал Мадрид – Реал Сосьедад 3:0 (1:0).
Голлар:
Ковачич (38), Роналду (51), Мората (82).

Реал Мадрид: Навас, Варан, Начо, Данило, Рамос, Ковачич (Иско, 77), Каземиро, Кроос, Васкес (Асенсио, 84), Роналду, Бензема (Мората, 66).
Реал Сосьедад: Рульи, Мартинес, Навас, Сальдуа, Сурутуса, Родригес, Каналес (Гранеро, 77), Ильярраменди, Ойарсабаль (Вела, 57), Хуанми, Виллиан Жозе (Прието, 57).
Огоҳлантиришлар: Мартинес (6), Кроос (39), Родригес (71), Васкес (77).
Четлатиш: Иньего Мартинес (74).