Трамп: Сенаторлар учинчи жаҳон урушини келтириб чиқаришга уринмоқда

Жаҳон 30 Январь 2017 10039

АҚШ президенти Дональд Трамп икки нафар республикачи-сенатор Жон Маккейн ва Линдси Грэмни учинчи жаҳон урушини келтириб чиқаришга уринаётганликда айблади. У ўзининг Twitter саҳифасидаги микроблогида шу ҳақда сўз юритган.

«Президентликка собиқ номзодлар Жон Маккейн ва Линдси Грэмнинг қўшма баёноти — хатодир, улар, афсуски, иммиграция масалаларида ҳақ эмаслар», — деб ёзган Трамп. Унинг сўзларига кўра, мазкур сенаторлар «доимий равишда учинчи жаҳон урушини келтириб чиқаришга уринмасдан», ИШИД халқаро террорчилик гуруҳига қарши курашиш ва «ноқонуний иммиграция ва чегаралардаги хавфсизликка эътибор қаратишса мақсадга мувофиқ бўлар эди».

Аввалроқ, Маккейн ва Грэм президент Трампнинг иммиграция сиёсатини танқид қилиб, баёнот беришган эди. Уларнинг фикрича, президентнинг фармони «етарли даражада ўрганилмаган», чунки, давлат департаменти, мудофаа ва адлия вазирликлари билан муҳокама қилинмаган, деб хабар қилади ABC News. «Биз, ушбу фармон АҚШ хавфсизлигини мустаҳкамлаш ўрнига террористик таҳдидлар кучайишига асос бўлишидан хавотирдамиз», — деган сенаторлар. 

АҚШ президентининг иммиграция масаласига доир 27 январда имзолаган фармони асосий аҳолиси мусулмонлардан иборат 7 мамлакат Эрон, Ироқ, Ливия, Сурия, Судан, Яман ва Сомали фуқароларига виза беришни тўхтатишни кўзда тутади. Шу сабабли, АҚШга авиачипта олган ва Америка визасига эга кўплаб фуқаролар парвозига рухсат берилмаган эди. 

Дональд Трамп ўз қарорини изоҳлар экан, унинг чораси мусулмонларга эмас, балки террорчиларга қарши қаратилганини таъкидлаган. Президентнинг сўзларига кўра, хавфсизлик сиёсати янгиланиши билан барча мамлакатлар фуқароларига виза бериш қайта бошланади. 

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 29046 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42077 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158014 Жамият
Кун.uz офис изламоқда
15:48 / 06.08.2017 44839 Lifestyle
Эрдўған Ғарбнинг Яқин Шарқдаги сиёсатини танқид остига олди
00:02 83 Жаҳон
RAMADA меҳмонхонасида Ҳинд таомлари фестивали ўтказилди
23:52 / 20.08.2017 96 Жамият
Афғонистонда бир кун ичида 100 дан ортиқ жангари йўқ қилинди
23:34 / 20.08.2017 553 Жаҳон
Видео: Моғор организмингизга тушса, нима бўлади?
23:32 / 20.08.2017 1970 Lifestyle
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 2100 Жамият
РФПЛ. «Зенит» яна ғалаба қозонди, Афонин тўлиқ ўйнаган ўйинда «Анжи» йирик мағлубиятга учради
23:02 / 20.08.2017 495 Спорт
Кўпроқ янгиликлар