Англия кубогининг 1/8 финал босқичига қуръа ташлаш маросими бўлиб ўтди. 

Унга кўра, кубокда қаҳрамонлик кўрсатаётган «Саттон Юнайтед» жамоаси ўз стадионида яна бир байрам уюштирадиган бўлди. Бу сафар жамоа премьер-лиганинг етакчиларидан бири «Арсенал»ни ўз уйида қабул қилади.

Шунингдек бу босқичда «Челси» «Ливерпуль»ни мусобақадан чиқариб юборган «Вулверҳэмптон» меҳмони бўлади. «Манчестер Юнайтед» эса «Блекберн»га сафар уюштиради. Қизиқарли учрашувлардан бири Лондон дербисида кузатилади. «Тоттенҳэм» «Фулҳэм» уйига сафар уюштиради. 

Кубок ўйинлари 17-20 февраль кунлари бўлиб ўтади. Қуръанинг тўлиқ кўриниши қуйидагича кўриниш олган

Англия кубоги
1/8 финал

Бёрнли - Линкольн Сити
Фулҳэм - Тоттенҳэм
Блекберн - Манчестер Юнайтед
Саттон Юнайтед - Арсенал
Миддлсбро - Оксфорд
Вулверҳэмптон - Челси
Ҳаддрсфелд - Манчестер Сити
Миллуолл - Дерби Каунти/Лестер