БМТ Хавфсизлик кенгаши 31 январда Донбассдаги ихтилофнинг кескинлашувини ёпиқ тартибда муҳокама қилади. Бу ҳақда ТАСС ахборот агентлиги Хавфсизлик кенгашида раислик қилувчи Швеция вакили Олаф Скугга иқтибос келтирган ҳолда хабар бермоқда.  

Скугнинг айтишича, йиғилиш Киев ташаббуси билан чақиртирилган.

Аввалроқ тан олинмаган Донецк ва Луганск халқ республикалари Россия, Германия ва АҚШ етакчиларига Донбасснинг Украина армияси томондан ўққа тутилишини тўхтатишда ёрдам беришларини сўраб мурожаат қилганди.

Авдеевка яқинида бир неча кундан бери олиб борилаётган жанглар 2015 йил августидан бери энг қақшатқичлари бўлмоқда.